Fries

Meitsje in opfallende poster oer Brekber. De poster is bedoeld om it boek ûnder de oandacht fan lêzers te bringen. De poster moat net allinne de oandacht lûke en der moai útsjen, it moat ek in yndruk jaan fan de ynhâld fan it boek.

Soargje dat ûndersteande saken op de poster komme te stean:
- titel;
- auteur;
- in sitaat út it boek;
- in beoardieling (dyn beoardieling);
- in yllustraasje (dat mei net itselde wêze as de omslach fan it boek!).

Tip: Kinst de website www.postersw.com brûke.
Gean nei de site, klik op ‘poster’ yn de blauwe balke oan de rjochterkant, klik yn de menubalke boppe-oan op Download, download it programma en folgje de oanwizings.

Understeande fragen geane oer it foarfal tusken Sinne en Richard fan side 282 - 302.

• Wat fynst fan de aksje fan Sinne?
• Hat Richard fertsjinne wat Sinne him oandocht? Motivearje dyn antwurd. 
• Stiet de straf fan Sinne yn ferhâlding ta wat Richard dien hat? Motivearje dyn antwurd.
• Wat hie Sinne neffens dy oars dwaan kinnen?

Stel Richard docht oanjefte fan wat Sinne him oandien hat en it ynsidint komt foar it rjocht. 

Kies út ien fan trije neikommende opdrachten.

1. Do bist advokaat fan Sinne. Skriuw in tekst fan sa’n 250 wurden datst foarlêze kinst as ferwar tsjin de oanklacht fan Richard.
2. Do bist advokaat fan Richard. Skriuw in tekst fan sa’n 250 wurden datst foarlêze kinst as motivaasje foar de oanjefte tsjin Sinne. 
3. De parse komt achter de saak. Skriuw in krante-artikel fan 250 wurden oer it foarfal.

Hoe’tst in krante-artikel skriuw moatst stiet yn ûndersteande link:
https://maken.wikiwijs.nl/119430/Hoe_schrijf_je_een_krantenartikel_#!page-4094461

Hjirûnder steane fiif stellingen oer Sinne en oer har hanneljen. Notearje by elke stelling oftst it dermei iens bist of net. Jou in argumint by dyn miening.

A

1. Sinne is in persoan dêr’tst in soad fan leare kinst.

2. Sinne is in persoan dêr’t ik wol befreone mei wêze wolle soe.

3. De personaazje Sinne is aardich, betrouber, rjochtfeardich ... (eventueel sels noch in karaktereigenskip ynfolje).

4. It hie better foar Sinne west as se net safolle tiid yn hynders stekke soe, mar mear yn minsken.

5. Sinne hat alle rjocht om Richard oan de ein fan it boek te fiter te nimmen.


B

Skriuw in útiensetting fan sa’n 200 wurden oer it realiteitsgehalte fan it boek. Soe it ferhaal echt bard wêze kinne? Binne de personaazjes, en dan benammen Sinne, oannimlik (= geloofwaardig)? Binne de konflikten, leafdes en foarfallen oannimlik?

A

1. Notearje trije nammen fan minsken út dyn omjouwing dy’tst goed kenst en beskriuw harren karakter yn likernôch 50 wurden.

2. Hat sa’n persoan dy’tst goed kenst wol ris wat dien, datst net achter him of har socht hiest? Lis út.

3. Yn boeken learst guon personaazjes goed kennen en oaren minder goed. Sykje op ynternet (sjoch boarnen hjirûnder) wat in ‘flat character’ en wat in ‘round character’ is. Notearje de kenmerken dy’t jûn wurde foar beide typen.

4. Nim ûndersteand skema oer. Folje it yn en jou fan elk personaazje oan oft it neffens dy in round of flat character is. Motivearje dyn kar mei ien of twa sinnen.

B

1. Hokker personaazje feroaret it meast yn Brekber? Skriuw op syn minst trije saken op dêr’t dit personaazje oars oer begien is te tinken.

2. Hoe komt it dat it personaazje datst neamd hast by punt 1 yn de rin fan it ferhaal oars oer bepaalde saken tinkt?

[1] Wikipedy, Flat character en Round character
[2] Over boeken gesproken, Personages

It ferhaal oer Sinne yn Brekber wurdt net hielendal gronologysk ferteld.

1. Bring it ferhaal werom nei minimaal tsien wichtige foarfallen.
Set dy foarfallen yn gronologyske folchoarder.

2. Wêrom soe in skriuwer derfoar kieze om in ferhaal net gronologysk te fertellen?

3. Wat fynst fan dizze opbou foar dit boek? Lis út.

Sinne fynt it dreech om mei minsken om te gean. Se begrypt minsken faak net en de minsken begripe Sinne ek faak net. Neffens Marit is Sinne in Asperger (side 129 en 132).

1. Sykje út wat it syndroom fan Asperger presys ynhâldt.
Under ‘boarnen’ steane twa ynternetsites mei goede ynformaasje, mar meist ek oare sites of boarnen brûke.
Skriuw puntsgewiis de kenmerken fan it syndroom fan Asperger op.

2. Binne de kenmerken dy’tst by punt 1 opskreaun hast oan Sinne te keppeljen?
Nim ûndersteand skema oer en folje it yn foar fiif kenmerken fan ‘Asperger’.

3. Is Sinne neffens boppesteand skema in foarbyld fan immen mei it syndroom fan Asperger? Motivearje dyn antwurd.

4. Op side 130 seit Marit:
‘Ik begryp earlik sein ek net wêrom’t heit en mem noait mei dy nei in psycholooch west hawwe. Dan hiest no in folle sosjaler libben hân.’

Wat fynst fan Marit har útspraak? Lis út.

[1] Balans digitaal, Kenmerken van het syndroom van Asperger
[2] Asperger, Kenmerken