Fries

Yn it ferhaal fan Quist hat de skriuwer in ferrassende ûntknoping betocht, dy’t miskien net oerienkaam mei dyn eigen ferwachtingen. Yn dizze opdracht giesto sels oan de slach as skriuwer om in alternative ûntknoping te betinken.

1. Wat fynsto fan de manier wêrop’t de skriuwer it ferhaal ta in ein bringt yn it haadstik ‘Sûnder ein sa djip’? Jou dyn miening yn likernôch 100 wurden.
2. Skriuw in koart ferhaal fan sa’n 350 wurden dêr’tst in alternative ûntknoping yn betinkst foar it ferhaal fan Quist. Dit kin in oar ein wêze, in parallel universum, of in flashback of flashforward nei in belangryk barren. Soargje derfoar dat dyn koarte ferhaal oerienkomt mei de tema's en personaazjes fan it oarspronklike ferhaal.

Julius Quist docht troch syn hast-deaûnderfining in soad ynsichten op dy’t him feroarje as persoan. De Quist dy’t de tocht meimakket, en de Quist yn it lêste haadstik fan it boek, binne suver twa ferskillende persoanen.

1. Meitsje in karakteranalyze fan Quist foar de tocht en Quist nei de tocht. Beskriuw oan elke kant trije eigenskippen. Ien eigenskip is al ynfold as foarbyld.
   
   Quist foar syn tocht                                                                      

1. Fasinearre troch de lear fan ferneamde skriuwers                              

2.                                                                                                       

3.                                                                                                       

4.                                                                                                       

Quist nei syn tocht

1. Klear mei it geëamel fan skriuwers

2.

3.

4.

2. Hokker ferzje fan Quist soest it leafst as learaar Dútsk hawwe wolle? De Quist fan foar of nei syn tocht? Lis út wêrom.
   
   
3. By “of dochs net” op s.236 wurdt dúdlik dat it ferhaal oars ôfrint as de lêzer ferwachtet. Wat feroaret, neffens dy, de ein fan it boek oan de feroaring dy’t Quist meimakke hat?

Yn it boek triuwt Quist lange tiid in rolstoel foar him út dy’t net fan himsels is. Dizze rolstoel kin sjoen wurde as in motyf.

In motyf is in foarwerp, ferskynsel of barren dat ferskate kearen yn in ferhaal foarkomt en in mear as gewoane (symboalyske) betsjutting hat.

1. Skriuw yn sawat 100 wurden op watsto tinkst dat de rolstoel symbolisearret yn it ferhaal. Beskriuw hoe't de rolstoel brûkt wurdt yn it ferhaal en hokker betsjutting it ha kin foar de haadpersoan.
2. Tink nei oer oare mooglike motiven yn it ferhaal, lykas foarwerpen dy't Quist by him draacht of ferskynsels en dingen dy't hy tsjinkomt op syn reis. Bepraat dizze mooglike motiven mei dyn klasgenoat en fergelykje jim ynterpretaasjes. Kies dêrnei ien motyf út om tegearre djipper te analysearjen. As’t de opdracht allinnich makkest, kiest sels foar in motyf datst fierder útwurkest.

Skriuw in koart ferslach dêr’t jim jim befiningen yn gearfetsje. Lis út hokker motyf jim keazen hawwe, wat jim tinke dat it symbolisearret en hoe't it bydraacht oan it begryp fan it ferhaal.

Wikipedy oer motyf

Op syn tocht komt Julius Quist ferskate persoanen tsjin. Yn de ynteraksje mei de persoanen, en foaral de refleksje fan Quist dêrop, learst hieltyd mear oer Quist syn libben en de keuzes dy’t hy makke hat.

1. Omskriuw by elk fan de ûndersteande persoanen yn sa’n 100 wurden de wichtichste tema's dy't nei foaren komme yn de moetingen dy’t Julius Quist mei se hat.
   
   -Ans en Sierd mei de twilling
   -De dûmny
   -It famke dat frege oft Quist har pake wêze wol
   
   
2. Hat it boek neffens dy in haadboadskip? Beskriuw dizze en fertel watst der fan fynst.

1. As motto foaryn it boek stiet “Zwei Seelen wohnen, ach! In meier Brust” fan filosoof Goethe. Sykje de betsjutting fan dit sitaat op en lês oer de leginde dêr’t dit sitaat oan ferbûn is.
   
   
2. Wat is neffens dy de ferbining tusken it motto en it ferhaal fan it boek? Lis út.
   
   
3. Hjirûnder steane in oantal eleminten dy’t in Faustiaanse fertelling typearje. Kies trije fan dizze eleminten en skriuw by elk fan de trije eleminten op hoe’t dat weromkomt yn Quist, beneam dêrby konkrete foarbylden út it ferhaal.

• De winsk of it stribjen fan de haadpersoan nei dat wat ûnberikber is.
• De yntroduksje fan in frjemdling of boppenatuerlik wêzen dat in deal oanbiedt.
• In oerienkomst mei de duvel en de betingsten dêrfan.
• It libben fan de haadpersoan nei it oangean fan de oerienkomst.
• De ûnfoarsjoene gefolgen fan de oerienkomst.
• De ôfrin fan de oerienkomst en de ympakt dêrfan op de haadpersoan.

Koarte útlis fan it ferhaal fan Faust (Ingelsk)

Yn haadstik 8 ‘Experiment versus psychologie: Het proza na de jaren zestig’ út Zolang de wind van de wolken waait (2006) stiet it folgjende beskreaun oer de skriuwer:

Koos Tiemersma (*1952), basisschoolleraar, debuteerde in 2002 met de lijvige roman De ljedder (‘De ladder’), waarin hoofdpersoon Jacob Nauta teruggaat naar zijn jeugdjaren. Hij wordt gekweld door gevoelens van schuld over de dood van een joodse man die enige tijd in zijn ouderlijk huis was ondergedoken. Tiemersma liet met dit debuut duidelijk zien dat hij zowel over compositorisch vermogen als over een beweeglijke stijl beschikte, maar hij vertilde zich ook wat aan zijn onderwerp. Evenwichtiger en beter is zijn tweede roman, De mjitte (‘De maat’, 2004), waarin de geleidelijke maar onomkeerbare neergang van een familie wordt beschreven. Ook in dit boek keert de hoofdfiguur, Mette Dou, terug naar een dramatisch verleden. Tiemersma weet zijn lezers er dit keer echt van te overtuigen dat zijn hoofdpersoon terug in de tijd moet om met zichzelf in het reine te komen. Zijn fantasierijke taalgebruik heeft aan concentratie en persoonlijkheid gewonnen.

1. Hokker parallellen sjochsto tusken Quist en de omskriuwing hjirboppe fan De ljedder en De mjitte? Omskriuw dizze parallellen yn sa’n 150 wurden.
2. Werkensto it ‘fantasierijke taalgebruik’ en de ‘beweeglijke stijl’ ek yn Quist? Omskriuw wêrom wol of wêrom net yn sa’n 150 wurden. Brûk dêrby foarbylden út it boek.
3. Yn de beskriuwing wurdt sprutsen oer it ‘compositorisch vermogen’ fan Tiemersma yn it skriuwen fan De ljedder. Sykje op wat bedoeld wurdt mei compositorisch vermogen. Fynsto dat Tiemersma ek yn Quist syn kompositoarysk fermogen nei foaren bringt? Lis út wêrom wol of net yn sa’n 150 wurden.

Kin Tiemersma dy ek oertsjûgje dat Julius Quist werom moat yn de tiid om yn it reine te kommen? Lis út óf en op welke manier hy dat neffens dy wol of net docht yn sa’n 150 wurden.

DBNL: Zolang de wind van de wolken waait