Fries

1. Fynsto it belangryk dat in boek goed ôfrint? Lis dyn antwurd út.

2. Lês it lêste haadstik nochris oer. Hoe rint it ôf? Wat fynsto fan de ein? Lis dyn antwurd út.

3. Lês it folgjende fragmint.

En wylst Jiks mei Matty - dy't siet te lêzen - foar de tinte siet oan 'e râne fan in fjord, tocht se oan doe't se mei Marten en Houkje foar de tinte siet. (…) Se hie har foarsteld hoe't it wêze soe, as se dêr wêze soe mei ien dy't fan har hood, fan wa't sij hood.
s.100

Is Jiks har winsk útkaam? Lis út.

4. Matty en Jiks lêze itselde boek. Dat boek rint goed ôf. 'It boek wie út, in happy end, se hienen elkoar krigen.' (s. 101). Tinksto dat Jiks de ein fan har eigen boek ek beskôget as in happy end? Lis út wêrom.

4. Lês no ferhaal tsien ('It boek fan Jiks') troch en folje de reden(en) oan dy'tst by opdracht 3 neamd hast.

1. Op Youtube stiet in mûnlinge resinsje fan In Jikse-libben (boarne [1]). Besjoch it filmke en lês it stikje oer Literêre teory.

2. Wat fynst fan de resinsje? Bist it mei de resinsint iens of net? Motivearje dyn antwurd.

3. Meitsje no in filmke fan dysels dêr'tst yn fertelst watst fan it boek fynst en wêrom. Jou hieltyd foarbylden út it boek, sadat dejingen dy't letter nei it filmke sjogge, begripe wêrom'tst der sa oer tinkst.

Fansels meist deselde miening ha as de resensint yn it filmke yn de boarne, mar brûk dan oare arguminten en foarbylden om dyn miening mei te ûnderbouwen. Ta ynspiraasje foar ferskillende soarten arguminten kinst ris sjen yn de tekst dy't neamd wurdt ûnder boarne [2].

Ast in boek resinsearrest, kinst ferskillende arguminten brûke wêrom'tst in boek wol of net de muoite wurdich fynst. Kinst bygelyks yngean op de struktuer fan it boek, of op de fraach oft it maklik foar de lêzer om him te identifisearjen mei de haadpersoan. Kinst ek yngean op de orizjinaliteit fan it boek of op de skriuwstyl.

[1] Youtube, Mûnlinge resinsje
[2] Op side 182-191 yn Basisboek Literatuur van Van Balen, Joosten en Peppelenbos, kinst it ien en oar lêze oer resinsjes en oer arguminten dy't yn resinsjes brûkt wurde kinne.

In profyl is in sjoernalistyk stik dêr't in persoan yn karakterisearre wurdt. Skriuw in profyl fan Jiks fan 300 oant 400 wurden.

Brûk de folgjende opdrachten foar de opbou foar dyn stik:

Beskriuw...
1. .. it libben fan Jiks as bern.
2. .. it libben fan Jiks as puber.
3. .. hoe't Jiks yn dy tiid omgiet mei har homoseksualiteit.
4. .. wat skriuwen betsjut foar Jiks.
5. .. hoe't Jiks letter omgiet mei har homoseksualiteit.
6. .. de ûntwikkeling fan Jiks.

Jiks fynt it dreech om foar har homosekstualiteit út te kommen, sels tsjinoer har bêste freonen.

1. Hasto it idee dat yn dyn omjouwing iepen dien wurdt oer homoseksualiteit? Kinsto dy foarstelle dat Jiks it dreech fynt om foar har homoseksualiteit út te kommen? Lis út.

Besjoch boarne [1]. Ut dat ûndersyk út begjin 2013 docht bliken dat mar in tredde part fan learlingen op it fuortset ûnderwiis homoseksualiteit normaal fynt. Twatredde fan de learlingen giet homoseksuele klasgenoaten leaver út 'e wei.

2. Herkensto de útkomsten fan it ûndersyk? Tinksto dat it by dy op skoalle ek sa is? Lis út.

Undersyk EduDivers, 'Mietjes moeten we niet', 2013 pdf

1. Wat fynsto belangryk yn de titel fan in boek? Wêrom?

2. Wat fynsto fan de titel fan dit boek? Sprekt er dy oan? Wêrom wol of net?

3. It boek hjit In Jikse-libben, mar de skriuwster hie der ek foar kieze kind om it boek It Jikse-libben te neamen. Wat foar ferskil hie dy iene letter makke yn de betsjutting fan de titel?

4. Wat foar libben is in Jikse-libben? Wannear kinst fan ien sizze dat dy in Jikse-libben hat? Kinst as help by dizze fraach it haadstik 'It boek fan Jiks' nochris lêze (side 47).

1. Sjoch nochris nei it earste ferhaal fan it boek. Wa is hjir de haadpersoan? Wat is it perspektyf? En yn wat foar tiid is it ferhaal skreaun?

2. Lês no ek nochris it twadde ferhaal. Wat is hjir it perspektyf en de tiid? Wa is de haadpersoan?

3. It boek bestiet út koarte ferhalen dy't meastentiids oer Jiks geane, mar soms ek net. Guon ferhalen spylje yn it ferline, oare yn it no. Folje ûndersteande tabel yn.

4. Wat foar patroanen ûntdekst yn de kar foar in bepaald perspektyf of in bepaalde tiid? Lis út.

1. Yn it ferhaal 'Op in eilân' (s. 59) frustrearret it Jiks dat Wil nea wat sein hat oer har relaasje ta Renée. Wêrom fynt Jiks dat frustrearjend? Lis dyn antwurd út.

2. Wêrom begjint Jiks der sels net oer?

3. Yn it ferhaal 'De brulloft' (s. 90) is Jiks op it eilân mei Marten. 'Jiks tocht oan wat se har foarnommen hie. Sil ik der no oer begjinne, tocht se.' Wat hat Jiks har foarnommen? Wêrom fynt se it sa dreech om der oer te begjinnen?

4. Hoe reagearret Marten op wat Jiks seit? Wêrom reagearret er sa, tinksto? Kinst dy syn reaksje foarstelle?

5. Kinst it dy foarstelle dat Jiks nea wat sein hat tsjin Marten? Wat docht it mei har om iepen te wêzen?

6. De titels fan de ferhalen 'Op in eilân' en 'De brulloft' binne dûbelsinnich. Lis dy dûbelsinnichheid út.