Fries

De haadrolspiler fan De seemearmin is ûndersyksassistente. Se bestudearret âlde ferhalen. Se makket omskriuwingen fan de ynhâld fan sokke âlde ferhalen en siket dêr ynformaasje by. Letter skriuwt se oer dy ferhalen en de ynformaasje dy’t se fûn hat in artikel.

1. Sykje sa’n âld ferhaal út it plak of in plak yn de omjouwing fan dyn wenplak. Tink dêrby ek oan minsken mei bynammen fan ynwenners fan plakken of freegje âldere minsken út dat plak. Jou yn dyn ferhaal oan mei watfoar minsken ast praat hast en set dysels op de foto mei yn elts gefal ien fan dy minsken. Skriuw dat op yn op syn minst 100 wurden.
2. Sykje mear ynformaasje by dyn ferhaal. Kinst fine hoe dyn ferhaal ûntstien is? Is der histoaryske ynformaasje te finen? Brûk dêr it ynternet foar. Miskien stiet der wol wat oer op verhalenbank.nl. Meitsje in gearfetting fan de ynformaasje fan op syn minst 100 wurden.
3. Meitsje in wurdspin fan dyn ferhaal. Set de namme fan dyn ferhaal yn de midden en set dêr wurden omhinne dy’t passe by de ynformaasje dy’tst fûn hast. Kinst dizze webside brûke om digitaal in mindmap te meitsjen: canva.com
4. Pak de ynformaasje fan opdracht 1, 2 en 3 derby en skriuw it ferhaal no yn de tsjintwurdige tiid. Skriuw it ferhaal yn op syn minst 700 wurden. Wreidzje de ynformaasje út mei dyn eigen fantasij.

Kinst dêrfoar dit skriuwplan brûke:

verhalenbank.nl
Digitale mindmaps

De haadpersoan is op syk nei ferhalen oer ‘sterke froulju út kustgebieten’. Se fynt ferskillende ferhalen oer froulju dy’t by wetter wenje en dêr wat meimeitsje.

Op side 61 begjint in ferhaal oer in frou dy’t de haadpersoan brûke wol foar har boek. Lês dat haadstik op 'e nij en beäntwurdzje de fragen oer dat part fan it boek. Ast dat tegearre mei in klassegenoat dwaan kinst, oerlis dan oer de antwurden op de fragen.

1. Wat foar wurk docht de frou út it ferhaal?
2. Yn hokker tiid tinkst dat it ferhaal spilet?
3. Hoe kin it dat it hier fan de frou reader wurdt?
4. Wêrom mocht har man de hûd net fine fan de beppe fan de frou?
5. Wat is de relaasje tusken de froulju fan de see en de haadpersoan?
6. Wêrom koe de beppe fan de haadpersoan har hûd net mear brûke?
7. Wêrom kin de frou net libje as de twa froulju yn it wetter?
8. Giet de frou oan de ein fan it ferhaal werom nei har gewoane libben of bliuwt se yn de oseaan?
9. Kenst mear ferhalen oer seemearminnen? En lykje dy persoanen op de persoanen yn it boek?
10. Is de frou út it ferhaal in sterke frou?

Ast de opdracht mei syn twaën dochst, meitsje dan in opname fan jim petear. As it allinnich dochst meist de antwurden, mei argumintaasje, opskriuwe of in floch meitsje.

Yn de ferantwurding fan De seemearmin skriuwt Albertina Soepboer dat se trije Fryske folksferhalen en trije mearkes as basis foar dit boek brûkt hat. Yn dizze opdracht sjochst nei dy ferhalen en fergelikest dizze ferhalen mei de ferhalen út it boek

A.
1. Kies ien fan de twa teksten dy’t op de side fan it Meertens Instituut te finen binne: Rixt fan it Oerd en It Roode Hoofd.
2. Sykje oer de tekst dy’tst keazen hast, mear ynformaasje op it ynternet en skriuw op watst fûn hast yn minimaal 150 wurden.
3. Besjoch no side 29 út it boek. Past dit fragmint by it folksferhaal datst besjoen hast? Underbou dyn antwurd mei op syn minst 100 wurden. 
4. Besjoch no side 61 út it boek. Past dit fragmint by it folksferhaal datst besjoen hast? Underbou dyn antwurd mei op syn minst 100 wurden. 

B.
1. Yn it boek lêst de haadrolspylster yn har bernejierren it mearke ‘de lytse seemearmin’. Der binne noch in hiel soad oare mearkes oer seemearminnen. Wêrom tinksto dat de skriuwster ek it ferhaal fan de lytse seemearmin yn dit boek brûkt hat? Jou antwurd yn op syn minst 50 wurden.
2. Kenst ek boeken, films of ferhalen dy’t noch net sa âld binne oer seemearminnen? Sykje minimaal trije op ast se net út de holle witst.
3. Wêrom tinkst dat folksferhalen en mearkes noch altyd brûkt wurde yn boeken, films en searjes? Jou antwurd yn op syn minst 75 wurden.

It ferhaal fan Rixt fan it Oerd
It ferhaal fan It Roode Hoofd

Dizze opdracht kinst yn twatallen of yndividueel útfiere.

Yn twatallen
Hjirûnder sjogge jim fjouwer stellingen. Jim bepale elk yndividueel foar de fjouwer stellingen oft jim it mei de stellingen iens binne of net en betinke dêr yn elts gefal twa arguminten by. Dêrnei wikselje jim ideeën út en geane jim yn petear oer de stellingen.

1. It haadferhaal oer de jonge assistint-ûndersiker op syk nei folksferhalen is spannend.
2. It is moai dat der safolle ferskillende ferhalen brûkt binne foar dit boek.
3. De haadpersoan is sels in sterke frou.
4. It ferhaal fan it haadpersonaazje en de relaasje mei Paul is goed útwurke.

Nim jim diskusje op of doch der skriftlik ferslach fan. Jim meie dus in audiobestân of in worddokumint ynleverje.

Yndividueel
As der net in klasgenoat is om de opdracht mei út te fieren, kinst de opdracht ek allinnich dwaan. Jou dan dyn eigen miening oer de stellingen en jou dêr per stelling minimaal trije arguminten by. Set dyn ferhaal op papier of meitsje in floch.

Yn dizze opdracht sjochst nei de ynhâld fan it boek. Wêrom stiet der wat der stiet en hoe kinst ferbiningen lizze tusken de ferskillende fragminten út dit boek?

1. It boek begjint mei in stikje út it ferske Jig Of Life fan Kate Bush. Wat soe de reden wêze dat de skriuwster foar dit ferske keazen? Keppelje minimaal twa fragminten út it boek oan it fragmint.
2. It boek is ûnderferdield yn trije dielen: ‘op it eilân’, ‘de see oer’ en ‘boppe wetter’. Betink in ferklearring foar dy trije titels. Jou yn totaal yn op syn minst 100 wurden antwurd.
3. Yn it boek wurdt sprutsen oer in skilderij fan Paul dat yn it kafee dêr’t it haadpersonaazje graach komt hinget. Wat stiet der op dat skilderij? Wat hat dat skilderij mei it ferhaal te krijen? Jou yn totaal yn op syn minst 100 wurden antwurd.
4. De haadstikken yn dit boek hawwe gjin namme. Dat soarget derfoar datst sa no en dan goed sjen moatst oer wa't sa’n haadstik giet. Betink foar dizze trije haadstikken in namme: side 15, side 22 en side 61.
5. Yn it boek wurdt in pear kear skreaun oer de opdrachtjouwer fan it gear te stallen boek: in blonde frou mei nasjonalistyske ideeën. Wat fynt de haadpersoan fan dizze frou? Beskriuw dyn antwurd yn op syn minst 100 wurden.
6. Ast de ferantwurding lêst, hat de skriuwster ek in miening oer nasjonalistyke ideeën en oer de werkomst fan folksferhalen. Wat skriuwt sy dêroer?
7. Watfoar beslút nimt it haadpersonaazje oan 'e ein fan it boek en wêrom?

Yn dizze opdracht sjochst nei in resinsje oer it boek. Om in goede resinsje te skriuwen moatst goed sjen nei de ynhâld fan it boek.

1. Neffens de resinsje fan Doeke Sijens hat de skriuwster mooglik besocht om fan de haadpersoan in seemearmin te meitsjen. Wat bedoelt er dêr eins presys mei? Sykje trije fragminten dy’t dêr op wize en skriuw dy op.
2. Yn deselde resinsje stiet ek dat de skriuwster mear wurk meitsje kend hie fan de mooglikheid om in seemearmin fan de haadpersoan te meitsjen. Bisto it dêr mei iens? Skriuw yn minimaal 100 wurden wêrom asto dat fynst.
3. Lês de hiele resinsje fan Doeke Sijens. Syn konklúzje is: “'De seemearmin' in wûnderlike mjuks wurden is fan prachtige fragminten oer wezens út de see dy’t wol of net besteane en knoffelige stikken oer it moderne libben.” Besjoch hoe't er dy konklúzje ûnderbout. Bisto it mei him iens? Jou antwurd yn minimaal 200 wurden en brûk dêr konkrete foarbylden by.

De resinsje fan Doeke Sijens