Fries

Besjoch de boekomslaggen fan Sterke skouders yn it Frysk en Sterke schouders yn it Hollânsk hjirûnder.

1. Meitsje in beskriuwing fan beide omslaggen, fertel oer: foto/yllustraasje, hokker sêne út boek is ôfbylde (sidenûmer), lettertype en -grutte, watfoar kleuren ensfh.

2. Hokker omslach fynst it moaiste? Jou arguminten foar dyn antwurd.

3. Sterke skouders stiet op de IBBY-earelist. Stel dat it boek yn it Ingelsk útjûn waard en dêr in nije omslach foar komme moast. Watfoar tips soest de ûntwerper dan jaan wolle om in alternatyf te betinken? Tink dêrby oan de punten dy't by fraach 2 oan de oarder kamen.

  

Yn it boek sitte iepen plakken (sjoch útlis by literêre teory oer 'iepen plakken' of yn de boarne). Dy roppe hieltyd in fraach op. De measte fragen wurde yn it lêste haadstik beantwurde. Yn it skema hjirûnder moatst neist elk iepen plak oanjaan hokker fraach oft dit by dy opropt.

Lês haadstik 12 goed troch en jou by elke fraach oan hoe't haadstik 12 dyn fraach beantwurdet.

Verhalen worden spannend als ze open plekken bevatten. Een open plek is iets wat voor de lezer verborgen wordt gehouden, iets wat het verhaal voorlopig verzwijgt. Een open plek roept een vraag op bij de lezer, bijvoorbeeld: Wat is de hoofdpersoon van plan? Of: Hoe lost de hoofdpersoon dit probleem op? Je leest verder, omdat je een antwoord op die vraag wilt krijgen.
út Op niveau bovenbouw 3 vmbo-gt. Ruud A.J. Kraaijeveld e.o., side 52.

Basisboek Literatuur, Joke van Balen e.o., side 191-192

Willem ferwyt syn heit nochal wat yn it boek. Hy hat in soad fragen dy't er syn heit geande it boek stelt. Syn fragen binne bygelyks:

* Wat gie der ferkeard op it wurk fan heit?
* Wêrom moast ik, Willem, fan it eilân ôf?
* Wat hie de famylje Stroetinga foar rol yn it konflikt op heit syn skoalle?
* Wêrom ferhuzen heit en mem net om by my, Willem, te wêzen?
* Wêrom kaam heit noait by my op besite?       

1. Op al dy fragen krijt Willem pas yn haadstik 12 antwurd. Dat hie earder kind. Willem hie heit in brief skriuwe kind. Skriuw do heit dy brief út it perspektyf fan Willem wei.

2. Skriuw ek in brief as antwurd út it perspektyf fan de heit fan Willem wei. Lês dan earst wol haadstik 12 nochris.

1. Meitsje in list fan de sân wichtichste persoanen út dit boek en jou oan hokker relaasje se ha mei de haadpersoan.

2. Wat is het grutste doel fan de haadpersoan, Willem Jacob Jagersma?

3. Set achter de nammen fan opdracht 1 hokker rol oft se spylje by it berikken fan Willem syn doel. Binne se helper, tsjinstanner, ôfsidige, slachtoffer of begeunstige?
Sjoch by literêre teory de útlis oer de ferskillende rollen dy't personaazjes ha kinne.

4. Beskriuw by alle neamde personaazjes wat har eigen belang is by it berikken fan it doel fan de haadpersoan. Wêrom spilet dit personaazje dizze rol?

5. Besjoch dyn resultaat. Falle dy noch opfallende saken op oer de personaazjes, en sa ja, wat foar?

6. Hokker rollen út de literêre teory komme net yn Sterke skouders foar en wat foar gefolgen hat dat foar it boek?

De rol fan in personaazje is altyd ferbûn mei it doel dat de haadpersoan foar eagen hat. It giet dan om dizze rollen:

Haadpersoan - wol in bepaald doel berikke.
Helper - wol de haadpersoan helpe dit doel te berikken.
Tsjinstanner - wol net dat de haadpersoan syn doel berikt, mar wurket tsjin.
Ofsidige - hat neat te krijen mei it doel fan de haadpersoan.
Slachtoffer - helpt de haadpersoan net om syn doel te berikken, mar hat der wol lêst fan as de haadpersoan syn doel berikt.
Begeunstige - helpt de haadpersoan net om syn doel te berikken mar hat der wol  foardiel fan as de haadpersoan syn doel berikt.

Oer in titel wurdt troch skriuwer en útjouwer goed neitocht. Wêrom hyt dit boek no Sterke skouders en net bygelyks: Willem en Marij, De ôfwêzige heit, In eilângeheim of Yn 'e steek litten ?

1. Lis by elke boppeneamde titel út wêrom'tst dy titel better of krekt minder fynst as Sterke skouders.

2. Betink sels trije oare titels foar Sterke skouders. Lis út wêrom'tst dy better fynst as Sterke skouders.

3. Wêrom hat de skriuwster keazen foar Sterke skouders ? Lês side 98. Hokker relaasje hat dizze titel mei de tematyk fan it boek?

Willem hat oer de measte persoanen út Sterke skouders wol in miening.
Lit him dat mar sizze yn de tabel by A.
Jimme jouwe jim eigen miening oer in personaazje yn de tabel by B.
Yn C ferlykje jimme jim eigen miening mei dyn fan Willem en sette dat yn in tabel.

A Hoe tinkt Willem neffens jimme oer de personaazjes?

B Hoe tinke jimme as lêzers oer de personaazjes út Sterke skouders?

C Ferlykje de resultaten fan de tabellen by A en B, bepraat de ferskillen en folje dan de tabel hjirûnder yn.